Rrjeti i Grave në Shkencë realizoi takim me përfaqësues të kabinetit të Ministrisë për Sistem Politik dhe Marrëdhënie Ndërmjet Bashkësive, Znj. Havushe Leskovica-Ismaili shefe e Kabinetit, Znj, Hajrije Elezi këshilltare shtetërore si dhe sekretarin e përgjithshëm të kësaj ministrie Z. Rami Qerimi.
Në takim u bisedua për shumë çështje të cilat janë në interes të dyja palëve, me theks të veçantë bashkëpunimin institucional, realizimin e projekteve të përbashkëta në fusha të caktuara si dhe ndarjen e përvojave të ndryshme nga të dy palët.
Në fund të këtij takimi, përfaqësueset e Rrjetit të Grave në Shkencë shprehën falënderimet e tyre për mikpritjen, kohën dhe mbështetjen që u ofrua nga kjo ministri, duke lënë të hapura mundësitë për bashkëpunim në të ardhmen.
